1 שִׁיר הַֽמַּעֲלוֹת אַשְׁרֵי כָּל ־ יְרֵא יְהוָה הַהֹלֵךְ בִּדְרָכָֽיו ׃
2 יְגִיעַ כַּפֶּיךָ כִּי תֹאכֵל אַשְׁרֶיךָ וְטוֹב ׃ לָֽךְ
3 אֶשְׁתְּךָ ׀ כְּגֶפֶן פֹּרִיָּה בְּיַרְכְּתֵי בֵיתֶךָ בָּנֶיךָ כִּשְׁתִלֵי זֵיתִים סָבִיב לְשֻׁלְחָנֶֽךָ ׃
4 הִנֵּה כִי ־ כֵן יְבֹרַךְ גָּבֶר יְרֵא יְהוָֽה ׃
5 יְבָרֶכְךָ יְהוָה מִצִּיּוֹן וּרְאֵה בְּטוּב יְרוּשָׁלִָם כֹּל יְמֵי חַיֶּֽיךָ ׃