1 שִׁיר הַֽמַּעֲלוֹת רַבַּת צְרָרוּנִי מִנְּעוּרַי יֹֽאמַר ־ נָא יִשְׂרָאֵֽל ׃
2 רַבַּת צְרָרוּנִי מִנְּעוּרָי גַּם לֹא ־ יָכְלוּ ׃ לִֽי
3 עַל ־ גַּבִּי חָרְשׁוּ חֹרְשִׁים הֶאֱרִיכוּ למענותם ׃
4 יְהוָה צַדִּיק קִצֵּץ עֲבוֹת רְשָׁעִֽים ׃
5 יֵבֹשׁוּ וְיִסֹּגוּ אָחוֹר כֹּל שֹׂנְאֵי צִיּֽוֹן ׃
6 יִהְיוּ כַּחֲצִיר גַּגּוֹת שֶׁקַּדְמַת שָׁלַף יָבֵֽשׁ ׃
7 שֶׁלֹּא מִלֵּא כַפּוֹ קוֹצֵר וְחִצְנוֹ מְעַמֵּֽר ׃
8 וְלֹא אָֽמְרוּ ׀ הָעֹבְרִים בִּרְכַּֽת ־ יְהוָה אֲלֵיכֶם בֵּרַכְנוּ אֶתְכֶם בְּשֵׁם יְהוָֽה ׃