1 לַמְנַצֵּחַ לְדָוִד לְהַזְכִּֽיר ׃
2 אֱלֹהִים לְהַצִּילֵנִי יְהוָה לְעֶזְרָתִי חֽוּשָֽׁה ׃
3 יֵבֹשׁוּ וְיַחְפְּרוּ מְבַקְשֵׁי נַפְשִׁי יִסֹּגוּ אָחוֹר וְיִכָּלְמוּ חֲפֵצֵי רָעָתִֽי ׃
4 יָשׁוּבוּ עַל ־ עֵקֶב בָּשְׁתָּם הָאֹמְרִים הֶאָח ׀ הֶאָֽח ׃
5 יָשִׂישׂוּ וְיִשְׂמְחוּ ׀ בְּךָ כָּֽל ־ מְבַקְשֶׁיךָ וְיֹאמְרוּ תָמִיד יִגְדַּל אֱלֹהִים אֹהֲבֵי יְשׁוּעָתֶֽךָ ׃ וַאֲנִי ׀ עָנִי וְאֶבְיוֹן אֱלֹהִים חֽוּשָׁה ־ לִּי עֶזְרִי וּמְפַלְטִי אַתָּה יְהוָה אַל ־ תְּאַחַֽר ׃